ارجوا من الجميع المشاركة,,,هل انت تصلي ام لا؟

حبيبتي إنتي سؤال مهم جدآ
تسلمي لأحبابك ياغاليه

اكيد راح اجاوبك بكل صراحه
أنا مابضيع ولافرض الحمدلله

بلكي بأخر بعض الفروض لأن بكون نايمه لكن من ساعة مابفتح عيني مابرجع اسكرون لحتى انام إلا والخمسه فروض كلون مأديتون والحمدلله

وأنا بتمنى من كل شخص متهاون بصلاته إنو يفكر شوي بس
إنه بدون هالصلاه مابيدخل الجنه

وبتمنى من كل الشباب إنون مابيتهاونو بتأدية فروضون بالجامع
لأن صلاة الجماعه واجبه على الرجال
وربنا سبحانه وتعالى بيقول
‏"‏ في بيوت أذن الله أن ترفع ويذكر فيها اسمه يسبح له فيها بالغدو والأصال * رجال لا تلهيهم تجارة ولابيع عن ذكر الله وإقام الصلاة وإيتآء الزكاه يخافون يومآ تتقلب فيه القلوب والأبصار " الايه ~~~ سورة النور من35 إلى 37

فبيقول احد الشيوخ إنه ربنا وصف يلي بيأدو صلواتهم بالمسجد بالرجال
فهاد من باب الإشيا الدقيقه بالدين
إنه يلي مابيأدي صلواته بالمسجد مابيستحق يوصفوه برجل
لأن هي الصفه بتخص بس يلي بيحافظوا على صلاة الجماعه

شايفه كيف سبحان الله
والصلاه هيا راحة النفس وطمئنينة الروح

اللهم اهدينا واهدي جميع المسلمين والمسلمات
وارضى عنا ووفقنا لما تحبه وترضاه واجعل عملنا في رضاك
اللهم يا مقلب القلوب ثبت قلوبنا على دينك
اللهم يا مصرف القلوب إصرف قلوبنا إلى طاعتك
اللهم اجرنا من النار
اللهم اجرنا من النار
اللهم اجرنا من النار
اللهم أتينا في الدنيا حسنه وفي الأخرة حسنه وقنا عذاب النار
اللهم صلي وسلم على سيدنا وحبيبنا محمد وعلى أله وأصحابه والتابعين
سبحان ربك رب العزه عما يصفون وسلام على المرسلين والحمدلله رب العالمين ...

ولكي مني اجمل تحيه ....

عزيزيتي صفاء أول بشكرك عالموضوع

وتاني شي أنا برأيي قبل مانسأل حدى اذا بصلي أو لا

لازم نسأله

هل أنت تخاف من الله؟
هل أتن تصلي لتعبد ربك أم فقط للافتخار أمام الناس؟
هل أنت تصلي وتطبق باقي تعاليم الدين؟
هل أنت تصلي وتزيل الأحقاد عن قلبك؟
هل أنت تصلي لتداري أعمالك الدنيئة ليقول عنك الآخرون بأنك تصلي فأنت لاتخطئ؟


عزيزيتي صفاء الصلاة شي كتير مهم بحياتنا وبتعاليم دينا بس الأهم من الصلاة هو الهدف من هالصلاة وانو الانسان يطيع ربه بكل شي مو بس بالصلاة
لأنو للأسف حاليا الناس أول شي بتسأل عن الصلاة حتى تحكم عالشخص اذا منيح أو مو منيح

وأنا من جهتي حتى كون بتمام الأمانة والصراحة بسؤالك

أنا مابصلي أو بالأحرى بصلي أحيانا

بقى انشالله يارب اقدر اثبت على صلاتي وما اقطعها أبدا

بعتذر اذا ماعجبك ردي

ولكن بالنهاية الدنيا آراء

مع خالص تحياتي واحترامي

دبددوبة دبددوبة دبدوبة

ماحدى غير ك انتي دبدوبة انتي وبعض عالم انشالله يكونو عرفوا حالن

وتاني شي أنا بعرف انو مو قصدك لتحكمي عالعالم من خلال الموضوع اذا مناح أو مو مناح

لا تخافي فهمانة عليكي

بس أنا كنت بقصد بحديثي العالم يلي بيتعاملوا مع هالموضوع الهام جدا بهالسطحية

أكيد مو قصدي أنتي

بس للأسف في كتير نماذج بعالمنا العربي بتتعامل مع هالأمور المقدسة بهالطريقة

يلة باي دبدوبة

مع خالص تحياتي ومحبتي