ما سر ضعف ادم امام حواء وتفوق هذه الاخيرة عليه داخل الفصل الدراسي..

حاجه تحير صراحه
أنا بحياتي ما درست مع اولاد فما بعرف كيف الفرق بالدراسه بين الفئتين
لكن هون عندنا الأولاد مابيذاكروا وبياخدوا أعلى النسب والدرجات ويفوتوا على الجامعه بكل سهوله وبيلاقو شغل وقت مابيتخرجو
والبنات بتطلع ارواحهم وأخرتها تعلق شهادتها بالمطبخ
أي والله
لدرجة إني كنت متمنيه يدرسوني بدل المعلمات أساتذه
لأن للأسف اكتر المعلمات بيشوفوا الطالبه عدوه إلون وهي شغله كتير تعبت منها أيام التانوي وصارتلي مشاكل كنت ح اوصلها للوزاره معون والله
وغير إنو المعلمات مابيحطوا لرفأتي المتفوقات درجات المشاركه كامله
وإذا سألوها ليش هيك درجاتنا
بتحكي بكل وقاحه لماتبطلي تمشي مع هادي وترجعي زي ماكنتي احطلك الدرجه الكامله
بصراحه
احس المعلمات يغاروا من الطالبات

عكس الاساتذه يلي بيعتبروا الطلاب متل اولادون

ومابظن إنو إنشغال الطلاب على المباريات والرياضه هي يلي بتنزل من مستواهن بالصف
لأن في المقابل الصبايا كل همهم الميك اب والموضه والوقوف قدام المرايا
فالتنين متساويين من هالناحيه

أي يمكن الشباب داخل الصف بدل مايركزوا مع المعلم وبالدروس بتكون كل إهتماماتهم بأزياء الطالبات وطريقة تساريحهم
هاهاها
احسن حل لازم يعزلوهون عن بعضون

وبيصير تعملي تحقيق صحفي صفوء
وتشوفي أرى هالطلاب والطالبات وتشوفي الإحصائيات
والله كتير حلو
أنا لو كنت عايشه بغير محل كنت عملت هيك
منشان اوصل للحقيقه بنفسي واحاول اشوف شو الحلول المناسبه

وإلك مني كل التقدير والإحترام

مرحبا بالجوريه صفوء
دايمآ منوره عزيزتي

أي أنا ولامره بحياتي درست مع اولاد
بس حاجه حلوه على فكره أنا مابحب الأولاد هاهاها
وبلكي لوبندروس بصف واحد راح اعمل فيهون مقالب طول الوقت أنا هيك ماني مقصره شوحال لو فيه اولاد والله لأجننون وبلكي يبطلوا دراسه هاهاها

وإذا على البطاله يوووووه شو احكي لاحكي
حتى إحنا عندنا كتير شباب ضايعين بالشوارع وماعندون شغله غير الأزياء والسيارات وحركات فاضيه
لأن مو الكل مكمل دراسته
ولأن مابدون يشتغلوا أي شي بيشوفوا حالون على الشغل وكأنون نازلين من السما
واكتر يلي بيشتغلوا عندنا من الخارج

لكن يلي بيتخرج من الجامعه اومعهد اوكليه
اكيد بيلاقيلوا شغل

اما البنات إنسي مع إنه فيه مجالات لكن لسى الناس هون باقيين على عقدهم وافكارهم القديمه
فبيشوفوا بعض هالمجالات عيب وحرام تفوت فيها بنت

الحمدلله على كل شي
وبظن هي المشكله عندنا بالعالم العربي
لأن مابيهتموا بمواهب وطاقات الشباب
فبهاد الحال يختاروا الطريق الخطاء
و بييجيك جيل فاشل مابيهتم إلا بالتفاهات

وتقبلي مني كل التقدير والإحترام