المشروبات الغازية تصيبك بتقلصات المعدة

???? الأحد سبتمبر 27, 2009 3:58 pm

يعتقد البعض أن تناول المشروبات الغازية تساعد على هضم الماكولات الدسمة ، بينما الصحيح هو العكس تماماً، حيث يؤكد الأطباء أن هذه المشروبات تزيد من امتلاء البطن وتكوين الغازات كما إنها قد تسهم في حدوث تقلصات وحصوات في الجهاز البولي .
ويشير الأطباء إلى ضرورة أن يتحكم الأشخاص بكمية غذائهم ويفضل أن يصحبوا الوجبات بشرب الماء أو العصائر الطبيعية مع تفادي أو تقليل كمية المنبهات المتناولة بعدها (كالقهوة والشاي).
فيما إن تناول كميات كبيرة من المياه الغازية يؤدي إلى زيادة كمية الأحماض المتناولة ويعرض المعدة للحموضة الزائدة ، فزيادة الأحماض نتيجة للمشروبات والعصائر تؤدي إلى خلل في الترسب الطبيعي للكالسيوم في الأسنان والعظام مما يؤدي لضعف الأسنان وتسوسها، بالإضافة إلى هشاشة العظام.
وفي النهاية ينصح الأطباء بالتقليل من المشروبات الغازية والعصائر المعلبة مع الإكثار من تناول منتجات الألبان يومياً للحفاظ على كمية الكالسيوم في الجسم

تحياتي...

sanshi الأحد سبتمبر 27, 2009 6:05 pm

جورية منتدانا الجميله
يسلمو كتير على هالموضوع
وعن جد كل كلمه صحيحه 100%
ليك أنا شخصيآ عانيت من هالناحيه لأن استغنيت عن المي بشكل شبه نهائي وماضليت إلا ع المياه الغازيه وهاد اكتر شي اثر على عيوني للإضافه لسبب تاني "احتفظ فيه لنفسي" مع إنه هالسبب هوى الرئيسي لكن المياه الغازيه كان إلها دور كمان
وغير الصبغات يللي بتحويها ويلي اكيد بتأثر على صحتنا وإحنا مو حاسين
إسمحيلي احكيلك
أنا من النوع يلي بحب شعري يكون مجعد بكتير اوقات فبحط جل
فشي نهار مالقيت جل
فهيك فتحت التلاجه ولقيت ميراندا
فإجا على بالي استخدمها
بدل ما ضل متحسره إنه ما عندي جل
هاهاها
لاتقرفي حاجه عاديه
ويبان كأنه جل يعني بستخدم سفن احيانآ
المهم
فأخذتها وعملت فيها شعري
أكيد طولت بتسريحه
وبس خلصت لقيت أصابعي لونون اورانج بلون الميراندا
اوكي عادي
رحت ع التواليت وإنت بكرامه منشان أغسلون
وبالقوه لحد ما طلع اللون من إيدي
بعدها بطلت اشرب ميراندا
ليك هالصبغات شو بتعمل جوات جسمنا؟
والله مابنعرف
لأن بنهتم دائمآ بمذاق أكلنا وشربنا وما بنفكر بفوائد هالشي وبأضراره
و سوري على الإطاله
تقبلي مروري عزيزتي

???? الإثنين سبتمبر 28, 2009 1:31 am

هلا بنور المنتدى هلا سانشيتا

مزبوط انو هالمشروبات الغازية بتعمل عسر بالهضم و بتاتر ع كتير اماكن باجسامنا اكيد

ومتل ما قلتي في صبغات بالمشروبات الغازية ما بنعرف شو فيها

وشو يمكن تساوي جواتنا

بس كلامك صحيح

وبالعكس ما طولتي كان ردك كتير رائع

و الكل رح يستفيد من تجربتك مع المشروبات الغازية متل ميريندا

شكرا كتير سانشيتا

تحياتي...

المشروبات الغازية تصيبك بتقلصات المعدة

المشروبات الغازية تصيبك بتقلصات المعدة

دائمآ رائعه

رد: المشروبات الغازية تصيبك بتقلصات المعدة