للصبايا فقط؟؟؟

هاااااااااااي للكل

طبعا هالتحية بس للصبايا والشباب يلي تحشوروا

من بعد اذنكم في موضوع خاص

يلة اطلعوا هلأ من الموضوع

لاعمبمزح أهلا وسهلا فيكم وبتمنى انو هالموضوع يعجبكم انتوا والصبايا

بما اني فتت دورة تجميل

حبيت شارك الصبايا بهالموضوع لأني أكيدة انو في معلومات رح تعجبكم

1- الشعر الطبيعي نموه من ال11ليلا حتى ال8صباحا
كل أسبوع يطول الشعر 1سم وحتى يطول بشكل طبيعي لازم يتم تطريف الشعر كل شهر لأنو تقصيف أطراف الشعر يعيقه عن النمو

2- للفتيات ذوات الشعر الدهني واللواتي يعانين من افرازات الدهون يمكن تخفيف هذه الافرازات من خلال وضع ثلاث ملاعق خل التفاح على ثلاث كاسات من الماء ووضعه في علبة وتتم استخدامه آخر زوم أثناء التحمم فان هذا الخل يعطي طراوة ولمعة ويمكن أن يستخدم لكافة أنواع الشعر ، واذا لم يوجد الخل يمكن الاستعاضة بنصف ليمونة

3- للشعر الجاف يوضع قبل الحمام زيت اللوز الحلو أو زيت الخس أو زيت حبة البركة لمدة ساعة

4- لايجب استخدام الشامبو مع بلسم لأنه يؤذي الشعر كثيرا واذا أردتي استخدام البلسم فاستخدميه فقط في أطراف الشعر وتجنبي ملامسته للجذور لأن البلسم يسحب الشعر اذا مالامس الجذر

5- يمكن استعاضة البلسم بكريمات حمامات الزيت منها كريم نخاع الثور مفيد كتير أوكريم بذور القمح أو كريم الزيوت السبعة موجودين في محلات التجميل
تتم استخدامهم آخر شي أثناء الاستحمام

6- عند الخروج من الحمام يجب أن يبقى الشعر مفرود وعدم ربطه وشده لأن هذا يؤدي الى ايذاء الشعر وتكسيره

7- وأما بالنسبة لمثبتات الشعر يلي منضطر وضعها أثناء الحفلات حتى يبقى موديل الشعر ثابت وما ينتزع فنحنا منعاني كتير أثناء محاولة فك الشعر عن بعضه وكتير أحيان منمزع الشعر ومنعمل خناقة طويلة عريضة مع الشعر وبيتنتف ومابفك
وأفضل طريقة هي قبل الاستحمام بالشامبو وضع ملعقة من الكربونة على ثلاث كاسات من المياه ومنديرها عالشعر طبعا قبل هالشي بتكوني فكيتي كل الدبابيس والبكل من شعرك وهيك بفك الشعر عن بعضه من دون ما تنزعيه وهيك بستحمي وانتي مرتاحة انو مافي خناقة مع شعرك

8- رح أذكر بعض الأغذية طبعا هي مو بس للشعر كمان للجسم وبتفيدنا بحياتنا اليومية
النحاس موجود في اللحومات والفجل وفي الهندباء الخضراء

فيتامينA موجود في السمك والمفروض أكل وجبة سمك كل أسبوع

فيتامينB موجود في اللحم ويؤكل مرتين بالأسبوع وأكل كل يومين بيضة

فيتامينC موجود في الفجل والجزر والبطيخ والبطاطا

ونقص الزنك يؤدي لظهور تشققات بيضاء وان هذا الزنك موجود في بزر اليقطين و بزر دوار القمر و صفار البيض و دقيق الشوفان و الألبان والأجبان

ملاحظة الجمال جمال الروح بس هالشي مابيمنع انو الوحدة فينا تعتني بحالها

بتمنى انو يكون الموضوع عجبكم وبوعدكم بمعلومات أكتر وأكتر

وانشا الله بالمرة الجاية رح احكي عن البشرة وكيفية العناية بها

مع خالص تحياتي واحترامي ومحبتي للجميييييييييييييي ع