لا تجلس مع ستك ليلة الامتحان

يارب.. يارب تنجح يا ابنى وأشوفك دكتور أد الدنيا

ياستى بس أنا تجارة

وماله يابنى هو يكتر على ربنا....... ده ربنا قادر على كل شئ

ياستى ونعم بالله بس اللى بيطلع دكتور لازم يكون فى كلية الطب مش التجارة

ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا

ياستى التجارة اللى فى الوكالة حاجة واللى فى الكلية حاجة تانية

ع العموم شد حيلك أنته وانا أخلى جدك يخدك معاه الوكاله عشان تتدرب فى السوق

جدى إيه اللى هايخدنى معاه .....ده جدى مات من زمان ياستى

يامصيبتى عبد الواحد مات...ياحبيبى

ياستى ده ميت من تلاتين سنة

تلاتين سنه.. ده العمر بيجرى ياولاد تصدق ولا حسيت بيهم...

ياستى حرااام عليكى عايز أدرس بقى


يووه..وأنا ماسكاك ياواد..ذاكر ...ذاكر عشان ربنا يكرمك وتنجح وتاخد الدبلون

ياستى دبلون إيه...أسمه البكالوريوس

أنته هتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون

خلاص دبلوم دبلوم ياستى ..سيبينى بقى عشان أذاكر

ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دى إيه ياواد.. أدب وأخلاق..وعلام كمان

ياستى عبير دى معاها أعدادية

وماله يابنى ...الراجل مايعبهوش إلا جيبه

راجل ...راجل مين ياستى...عبير دى بنت

عبير ...عبير مين ياوله..أنته بتعرف بنات من ورانا

لا إله إلا الله....أبوس رجلك ياستى أرحمينى بقه

هو ابوك اخطب مامتك؟؟
ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات


صحيح ياوله ..أنته عندك حق أنا مليش إخوات بنات...أصلى أنا أمى ماكنتش بتخلف صبيان

حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره

لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى

خلاص روحى المطبخ ...أهو زمان أمى خلصت الرز

رز...رزإيه يابنى....هوأنا ليه سنان للمكرونه...أناهطلع البلكونه أحسن

طب أبقى خلى بالك م الهوى ياستى

هوى لما يلطشك يا بت يا جذمه انتى


بس ع العموم مافي احلى من الجدة بالبيت مو هيك يا شباب ؟؟؟؟

بس بتعرفوا نسخة عن ستي الله يخليلياها يارب

بتمنى انو تكونوا استمتعتو

مع خالص تحياتي ومبتي للجميييييييييييييييييييييييع

لك ياهلا بصفوء

هذا هو المطلوب انو تضحكوا من كل قلبكم

وبالفعل الله يخليلنا الست لأنها عنجد غير نكهة

مع خالص تحياتي واحترامي