شـــــذرات زائــــر .. *_خير الكلام ماقل ودل_* ..

عنجد شكرا الكم كتير عالموضوع فكرته كتير حلوة
أنا حكمتي أو شذرتي هي
(كل إنسان يرى عيب غيره ويعمى عن العيب الذي هو فيه)

(( 99% من الشر المنبث بين الناس يرجع الى تلك العاطفة الزائفة التي يسمونها الحب التي لاتشبه الحب الحقيقي كثر مما تشبه حياة الحيوان حياة الانسان ))

تولستوي

معلش ئول حكمة من عندي

كلنا بني ادمين وعنا تجارب يعني بيطلع معنا حكم

..............








...............

شايفين شو تركت ؟ ..... فراغ

لا حدى ايعيش حالو بفراغ واوهام مالها وجود

الحب هو شعر الحواس ومفتاح كل ماهو عظيم في الحياة الانسانية

بلزاك

انا أعمل كاني لن اموت أبدا ، وأعمل وكأني سأموت في أي لحظة

هالجملة قراتها وأنا عمبقرأ رواية زوربا بجد كتير توقفت عند هالجملة

وكمان بنفس الرواية قرات جملة تانية كمان توقفت عندها كتير

( ان أسوأ من الأصم هو من لايريد أن يصغي )

يعني عنجد حسيت هالكاتب نيكوس كازنتزاكسي ضرب عالوتر

عنجد في حولينا كتير عالم بيسمعونا بس كأنن ماسمعونا ههههههههه

وكمان لفتت نظري هالجملة بالرواية

( عندما يكون الرئيس قاسيا عندها سيحترمه العمال ويعملون بجد وعندما يكون ناعما يتركون كل شيء عليه ويمضون وقتا طيبا )

وكمان هالجملة وهي آخر جملة رح نوه عليها برواية زوربا

( غالبا مايبحث الانسان عن السعادة في مكان اعلى منه وآخرون يبحثون عن السعادة في مكان تحتهم ولكن السعادة تكون دائما بحجمهم )

عنجد هالجملة كتير حلوة انو خلص السعادة موجودة عندك بمقاسك ليش بدك تفصل انت السعادة على كيفك وتصير تدور فوق وتحت

بس أنا بنظري انو السعادة هي القناعة بعتقد انو نظرتي للسعادة فيها شبه من الشي يلي بدو يقوله الكاتب


هالمرة بعرف حطيت شذرات مو شذرة وحدة بس هيك حبيت نوه عن كم جملة بهالراوية

مع خالص احترامي وتقديري للجمييييييييييع

هالمفولة قراتها بكتاب مشكلة الحب لزكريا ابراهيم

( قالت قطعة الجليد وقد مسها أول شعاع من أشعة الشمس في مستهل الربيع :
أنا أحب وأنا أذوب وليس في الامكان أنا أحب أوأوجد معا فانه لابد من الاختيار بين أمرين وجود بدون حب وهذا هو الشتاء القارس العظيم أو حب بدون وجود وذلك هو الموت في مطلع الربيع )

أسترو فسكي

{ علمتني الحياة أنه ليس كل الذئاب أعداء ولا كل العصافير أصدقاء ولا كل الأرانب أليف ولا كل الأسود مفترسة وأن ليس كل الأطفال أنقياء ولا كل الثعالب ماكرة ولا كل العقارب سامة ولا كل الكلاب أوفياء }

شهرزاد

( نحن نعيش في غابة معظم حيواناتها تعيش بداخلنا )

لاتتخيل كل الناس ملائكه فتنهار احلامك ولاتجعل ثقتك بهم عمياء لأنك ستبكي على سذاجتك..‘

بما انو ماشاء الله الموضوع في حوالي ال500 شخص شايفه

فانا بدي قول هون نصيحة أو تجربة لتستفيدوا منها أكتر ماتكون شذرة

انا بنصح الكل ومن تجربة شخصية انو آمنوا بحالكن ومايهمكن رأي العالم فيكم أكتر مايكون رأيك بنفسك هو الصح وبالنهاية اذا كنت انت رضيان عن حالك ووبتعرف حالك كتير منيح ساعتها تقدم ولاتخلي ولا أي شخص يوقف بطريقك ومثل ماقال سقراط أعرف نفسك بنفسك

وتاني نصيحة بدي من الكل هلأ وبهاللحظة بفكر أنا شو لازم أعمل بالمستقبل ياترى حاطين أي هدف لحياتكم اذا حاطين هدف خلو هدف كتير كبير كبييييييييييييير لأنو كل ماكان الهدف كبير كل ماوصلتلو أو اذا ماوصلتلو بتصلوا أقرب منه بشحطة

وتالت نصيحة بحياتكم في كتير ناس رح يمرو عليكم ويحبطوكم ويقولولكم انتوا مارح تقدرو توصلو للشي يلي عمتفكرو فيه لاتسمحولن يأثروا عليكم آمنوا بقدراتكم
أنا بالنسبة الي الحمدالله حاطة هدف ببالي وبعرف اني رح أوصله ووشايفة هالشي جواتي هلأ مارح احكي شو هو هدفي بس وقت يصير ساعتها الدنيا كلها رح تعرف
بس بقصد انو آمنوا بقدراتكم ولاتستهينوا بحالكم

وآخر شي بحب قول انو العين مو هي يلي بتشوف الحقيقة احساسكم هو يلي بشوف الحقيقة احساسكم بعمرو مابخونكم اتبعو احساسكم أنا ياما ظلمت احساسي وما اتبعته بس أنا هلأ ملكة نفسي على قولة لوليا هههههههه

أنا من كل هالحديث الشي يلي بدي قوله انو لااااااااااااااااااااااااااااااا تستهينو بحالكم انتوا كلكم عندكم قدرات قوية اكتشفوا حالكم تصالحوا مع ذاتكم وتأكدو انو كل شي بهالدنيا ممكن مايمشي مثل مابدكم بس لاتحيدوا عن الطريق يلي راسمينو عملوا بعض التعديلات بس لاتحيدو عن طريقكم

وأخيرا حابة اعرضلكم نصيحتين كتير علمو فيني قالها الدكتور النا هو الدكتور عماد شعيبي وهالدكتور علمني كتير شغلات وقوى ثقتي بذاتي وثقتي بمهاراتي

المهم كان على طول يقلنا لاتتشرنقو وتتقوقعوا على ذاتكم اذا صار شي مشكلة بحياتكم بالعكس فتشو عن الحل ممكن يكون قريب منكم بس انتوا مو شايفينو أو لاتخلوه يأثر على كل مجالات حياتكم تعودو على طول تفصلو بين كل ممر من ممرات حياتكم

وتاني نصيحة ويلي كتير حبيتها انو لاتفكروا أبدا انو الحقيقة هي على طول يلي بتشوفها قدام عيونكم في حقائق كتير مخباية في كتير حقائق بتفكروها انو حقيقة بس هي مو حقيقة وماتفكرو انو الحقيقة وحدة بس الحقيقة الها عدة أوجه

وأنا من عندي بحب قول كدليل على هذا الكلام هلأ كلكم روحو جيبو كاسة مي وحطو بقلبها خشبة أو أي شي رفيع رح تشوفو انو العودة أو الخشبة مكسورة بقلب المي بس هي بالحقيقة مو مكسورة ؟!

بتمنى تكون وصلت فكرتي للكل

بعرف اني طولت وأكيد أنا بهمني انو الكل يستفيد سواء الزوار أو الأعضاء من هالكلمات أنا بعرف انو في نسبة لابأس يها من الزوار عمتتصفح المنتدى وأنا أتمنى من كل قلبي انو يسجلو ويفيدونا بآرائن أو يزودونا بمقترحات من شان تطوير المنتدى أكتر وأكتر

مع خالص حبي وتقديري للجميييييييييييييييع