: قصيدة للشاعر عمر الفرا .. تعليقا على شروط الحصول على شيكات المازوت

: قصيدة للشاعر عمر الفرا .. تعليقا على شروط الحصول على شيكات المازوت

طالت الشتوة...
وبردت حمدة...
حمدة الشعب اللي ما يدفى...
صقعت حمدة...
فقعت حمدة...
قالوا الحرارة بالوزارة..
حمدة الختيارة ركبت الحمارة...
وبالوزارة طلبت الاستمارة...
قالوا ما ننطيكِ...
شهقت حمدة...
بكيت حمدة...
سألت حمدة...
قالوا.....
حمدة تملك حمارة...

ودابة ويقطينة ورمانة....
وعنزة جربانة....
حمدة انقهرت ورجعت فقعانة...
وبالليل وقدت حمدة شمعة...
حمدة نعست...
حمدة نامت...
وقعت شمعة...
حمدة احترقت...
صرخت الجارة...
ماتت حمدة...
ماتت حمدة...

وعاشت الوزارة......

يا هلا بالمدير الألماسي

بصراحة أنا قرأت موضوعك قبل وماحبيت جاوب عليه

لأني بصراحة وقت بدي جاوب أكيد أكيد روح لعند بيت خالتي

لأني بجوابي رح احكي وكتر كمان من قهري

وانت فهمك كفاية رحنا فيها يامعلم

المهم يلي أغراني اني رد على موضوعك رد شمعة منتدانا الغالية

وقت قالت

بس مين هي حمدة صحيح

والله هي حمدة في مثلها كتير كتير كتيييييييييييييييييييييييير

يلي مابتهم حدى عاشت ماتت شو صار فيها

بس المهم انو هنن يعيشوا

يعني أنا ومن بعدي الطوفان

شكرا كتير على تميزك أحلى خالد

مع خالص احترامي ومودتي