حتى جهنم صنفت لدول

واحد مات وأخدوه ع النار، المفاجأة كانت أنو النار مقسمة لمناطق ودول متل جزيرة العالم أو القرية العالمية بدبي.
أول شي سأل اللي جنبو: شو هي؟؟

الثاني:هي جهنم الألمانية، هون بيحطوك ع كرسي الكهربا ساعة و بعدين بينيموك ع المسامير ساعة تانية بعدين بيجي ملك النار الألماني بيضل يجلدك لتاني يوم.


الأخ ما عجبتو الفكرة فراح ينتقل من نار للتانية ويشوف أنواع العذاب التي تشبه بعضها.

أخيرا وصل على جهنم سوريا، وأتاري العالم عم تعفس ع بعضها ولا في دور ولا هم يحزنون والعدد بالملايين.

شاف واحد سألو: شو هي يا معلم.

التاني: هي نار سوريا.

الأول: وشو فيها مميزات؟

التاني:هون بيحطوك ع كرسي الكهربا ساعة و بعدين بينيموك ع المسامير ساعة تان ية بعدين بيجي ملك النار السوري بيضل يجلدك لتاني يوم

فقال الأول: ما نفس البقية بالضبط ، بس ليش كل هالزحمة!!؟؟؟

التاني: لأنو الكهربا مقطوعة، والبسامير عم تطعج لأنو شغل محلي ونصون انسرقوا من لجنة المشتريات، أما بالنسبة للجلاد فكان بالزمانات موظف حكومي لهيك إجا الصبح وقّع حضور ورح يشتغل ع تكسي بقية النهار

منور بمواضيعك ياشرقي
جد كتير حلوه
خلاص انا قررت فوت على جهنم سوريا
عن جد ارحم بكتير من غيرها
لكن
لازملي واسطه لأدخل ما؟
يعني متل ماسمعت في زحمه كتير
اي ياليتني كنت بعرف من زمان
هههههههه

يسلمو على هالموضوع

تقبل مروري =^_^=