تستسرون واستروجين

هااااااااااااااااااي للكللللللللللللللللللللللللل

اليوم بهالموضوع رح نحكي شوي عن التستسرون ولايستروجين

طبعا هالمعلومات يلي رح قولها كتير مفيدة لحياتكم

أنا حبيت اني شارككم فيها لأنو هالمعلومات الدكتو عميعطينياها ضمن مادتو

قبل كل شي أكيد سألتو حالكم شو هو التستسرون والاستروجين

التستسرون هو الهرمون الذكري والاستروجين هو الهرمون الانثوي

هلأ قبل كل شي رح احكي عن فصي المخ المخ مثل مابتعرفوا مقسوم لنصفين

النصف الأيمن والنصف الأيسر

النصف الايمن هو مسؤول عن التفكير الانثوية وهالنصف الو علاقة بالفن والابداع الحدس القوي عند المرأة ناتج عن هالنصف الأيمن تلقي المعلومات بطريقة عشوائية والو علاقة بالثرثرة كمان ههههههههه لمعلوماتكم المرأة باليوم الواحد لازم تفرغ 7000 كلمة حكي وتلقي من شان هيك معروفين بالايناث بالثرثرة أما عند الرجل فبس 2000 كلمة استماعا وتلقيا من شان هيك الرجل وقت بيرجع على بيتو وبشوف مدامتوا يلي بتبلش حكي لايستغرب لأنو انت فرغت الكلمات يلي عندك بعملك لهيك نصيحة مني لجميييييع المتزوجين اذا كان عندكم امراة كتير انثوية بعقلها وصفاتها وعندها هالثرثرة نصيحة ضلو قولولها ( اي ؛ طبعا امم ، هيك صار ، ) يعني حسسها انك عمتسمعلها يمكنم انت ماتكون عمتسمعلها بس انت هيك حسسها هلأ هالشي مو استغباء للمراة أبدا بس لأنو أكثرية الايناث مابيقدروا غير انو يحكوا واذا مافرغوا هال7000 كلمة رح ينفجروا وومكن تصير خناقة طويلة عريضة بالامكان تداركها من البداية

طبعا هالشي بيرجع حسب استخدام المرأة للنصف الايمن لأنو في ايناث بيستخدوما النصف الايمن من المخ لكن بطريقة غير مفرطة يعني ماعندن نسبة استخدام النصف الأيمن كتير كبيرة

وكمان في معلومة بتلاحظو انو الأنثى يلي بتستخدم العقل الأنثوي غير ميالة للرياضيات أو للعب الشطرنج أو للسياسة لأنو طبيعة مخها مابتسمحلها تستوعب هيك نوع من المعرفة لأنو المخ الأنثوي بيتلقى المعلومات بطريقة عشوائية ومو بطريقة الرياضيات او السياسة لأنن بيعتمدوا على المقدمة ومن مقدمة منوصل للنتائج من شان هيك منلاحظ انو الأنثى بتبرع بمجال التعليم أو الطبخ أو الفن لأنو الأنثى معرفتها تكون عن طريق الحدس لأنو بالحدس الأنثى بتقدر تتعرف على كتير من المعارف حتى لو ماكانت مسبقا بتعرف فيها
يمكن هالكلام يفاجئكم بس فعليا وأثبت هالشي بدراسات ان الأنثى بتقدر تعرف أي من المعارف عن طريق الحدس طبعا الفص الجبهي لدى الأنثى الو علاقة بالحدس

العقل الذكري يلي بيشتغل عالنصف الأيسر من الدماغ مابيقدر يشتغل أكتر من شغلة وحدة بنفس الوقت بينما الأنثى بتقدر تشتغل أكتر من شغلة طبعا هي طبيعة وهبها رب العالمين للأنثى لأنو وقت يصير عندها لاد بصير عندها مسؤليات كتيرة وهالمسؤوليات لازم تتطبق مع بعضها

طبعا ملاحظة مو كل الايناث بتشغل النصف الأيمن ومو كل الرجال بشغلو النصف الأيسر
في ايناث بعقول ذكرية وفي رجال بعقول انثوية

رح أعطيكم مثال بسيط بحياتنا اليومية اذا كان صوت التلفزيون عالي والكل عميحكي ورن التلفون فجأة شو رح تعمل/ي ياترى رح تقولو للكل يسكتوا ويوطوا صوت التلفزيون أو رح ترد/ي ومابهم شو ماكان في أصوات

هلأ اذا كان الجواب انكم رح تقولوا للكل يسكت فهذا عقل ذكري بامتياز لأنو العقل الذكري مابيقدر يركز على أكتر من شغلة بنفس الوقت أما اذا كان الجواب انو عادي مابهم فهذا عقل انثوي لأنو العقل الأنثوي مابهمو وبيقدر يركز على أكتر من شغلة بوقت واحد

انشاء الله بوعدكم بفترة قريبة اني رح جيب أسئلة حتى تعرفوا شو نوعية عقولكم ذكرية أو أنثوية بس لجيب الورقة من الدكتور انشاء الله يبقبل يعطينياها

وفي عندي معلومة للايناث وقت الدورة الشهرية بتلاحظو قبل بكم يوم بتلاحظوا آلام بالفص الجبهي من الرأس هذا سببوا انو وقت الدورة الشهرية بتخف نسبة هرمون الاستروجين يلي هو مثل ماحكينا قبل هرمون أنثوي وبيعلى نسبة الهرمون الذكري من شان هيك الوحدة منا بتصير عصبية وعدوانية فبدي قول للشباب والمتزوجين وقت تشوفو هيك شريكة حياتكم يلي متعودين عليها لطيفة وحبابة وموعصبية اذا حسيتوها فجأة صارت تعصب على أي شي اعرفوا انو نسبة التسترون صارت كتير عالية عندها وانخفض الهرمون الأنثوي بسبب الدورة الشهرية
لهيك لاتجادلوا أو تعصبوا معها لأنو ممكن تصير بيناتكم مشاكل كتير كبيرة انتوا بغنى عنها
من شان هيك قصروو الطريق وسايروهم لأنو فترة الدورة هي فترة انقلاب الهرمونات بجسد المرأة وهالشي بسببلها آلام سواء عضوية وسواء نفسية
اما لما تنتهي الدورة بعد بكم يوم من انتهائها بتعلى هرمون الاستروجين لأعلى حالتو وبتصير أكتر لطافة بالتعامل من شان هيك لاتستغربوا اذا شفتوا شريكة حياتكم فجأة صارت عدوانية وبعدين بعد كم يوم صارت أكتر لطافة وأكتر رومانسية لأنو هذا الشي طبيعي لدى الايناث

وملاحظة عالهامش أحيانا ممكن تتعرض المراة لحالات نفسية صعبة هالحالات بتخليها تفقد هرمون الاستروجين ويعلى عندها الهرمون الذكري

انشالله يكون عجبكم الموضوع وبوعدك بكل فترة رح حط شي اضافي عن العقل الذكري والعقل الأنثوي لأنو هالعقلين بحر

طبعا رح قول آخر شي تذكروا مو كل الايناث لها عقل انثوي ولا كل الرجال له عقل ذكري
ممكن يكون العكس رجل عقول انثوي وانثى عقلها ذكري

مع خالص احترامي للجميييييييييييييييييع

أحلى تحية للجميييييييييع

حكينا بفترة مضت عن فصي الدماغ وكيف ممكن تكون الأنثى تفكر وتعمل بطريقة ذكرية أو أنثوية وأيضا الرجل يفكر بطريقة ذكرية أو أنثوية تبعا للاستخدام الأكثر لاحدى فصي المخ

وحكينا عن ارتفاع نسبة التسترون أثناء الدورة الشهرية يلي بأدي لازدياد عدوانية الأنثى في هذه الفترة وأيضا لدى الذكر ترتفع نسبة الهرمون الذكري لديه في في فترة الدورة الشهرية بحيث يصبح اكثر عدوانية ولكن الفرق بينه وبين الأنثى بأنه لديه لاتكون معروفة في توقيتعها عموما عندما يصبح الذكر عدواني فجأة ويصبح أكثر عصبية فهذا مؤشر لارتفاع نسبة التسترون لديه

يعني وقت تشوفو ذكر متعودين على طول انو يكون هو لطيف فجأة صار عدواني ومثل مان0حكي بالعامية عميئطش ويلحش بالحكي ههههه لاتضايقو منو كتير لأنو هالشي مو بايدو هالشي بفعل ارتفاع فجائي لنسبة التستسرون لديه والفتاة أيضا نفس الشي
وقت تتحول فتاة لطيفة فجأة الى فتاة عدوانية فهذا ليس بيدها أيضا بسبب الارتفاع الفجائي للهرمون الذكري لديها أي هرمون التستسرون

وهلأ رح نحكي عن المهارت يلي بتبدع فيها الايناث ( طبعا في حال كان استخدامها للفص الأيمن وهو النصف الأنثوي أما اذا كانت طبيعة عقلها ذكرية فلا يمكن لها أن تبدع في هذا المجال )
طبعا وقبل ما احكي عن هالمهارات يلي بيتميزوا فيها الجنسين رح قول انو الانسان والعبقري هو الانسان الذي يستخدم كلا الفصين من الدماغ الأنثوي والذكري لنه في هذه الحالة يستفيد من الفصين ويفكر بطريقة مختلفة عن الباقي

وهلأ رح نحكي عن المهارات التي تتفوق فيها الايناث على الذكور

1- مهارات تحريك الأصابع في وحدة وتناسق

2- اختبارات الحساب والكمبيوتر
3- أداء عدة مهام في نفس الوقت
3- تذكر مواقع الأشياء في ترتيب محدد
3- الهجاء
5- الطلاقة في استخدام الكلمات
6- الهام التي تتطلب الحساسية للمثيرات الخارجية ( عدا البصرية منها )
7- تذكر العلامات على طول طريق
8- استخدام الذاكرة اللفظية
9- تقدير العمق والسرعة الادراكية
10- فهم لغة الجسد وتعابير الوجه

أما هلأ رح نحكي عن الأمور يلي بيتفوق فيها الذكر على الأنثى ( طبعا مثل ما اتفقنا في حال كان عقله ذكر أما اذا كان أنثوي فهو رح يبرع بالأمور يلي ذكرتها سابقا )
1- مهارات التصويب
2- استخدام المفردات
3- التركيز لفترة طويلة
4-التفكير الحسابي والقدرة على حل المشكلات
5- الملاحة مع الوضع في الحسبان الخواص الهندسية للمكان
6- الذكاء اللفظي
7- تكوين العادات والمواظبة عليها
8- معظم الوظائف المكانية

طبعا والكلام يطول حو الأنثى والذكر والفروق بينهما والذي سنتحدث عنها بين فترة وفترة

مع خالص احترامي وتقديري