اسباب الاكتئاب والشعور بالوحدة

على الرغم من وجود الكثير من الاصدقاء ومن الاشياء التي تساعد على النسيان
ما اسباب الشعور بالوحدة؟
ارجو الرد
وئلولي شو السبب
لاني مابعرف

أخي الغريب

أول شي بالنسبة لسؤالك
على الرغم من وجود الكثير من الاصدقاء ومن الاشياء التي تساعد على النسيان
ما اسباب الشعور بالوحدة؟

أنا برأيي وحسب تحليلي للمشكلة

انو عمتتخذ من هالأشياء والأصدقاء وسيلة لنسيان شيء معين مر بحياتك

أو وسيلة لنسيان شخص محدد

من شان هيك عمتحس بالاكتئاب

أنا برأيي انو الشخص يلي بحس بهالاكتئاب

انو يبدأ من نفسه ويعالج نفسه من دون الهروب لأي شي ممكن انو ينسينا

أنا برأيي انو مواجهة النفس ومحاولة طي الماضي أو محاولة حله اذا كان بينحل

وبالنسبة لشعور الوحدة فهو شعور كتير طبيعي

ممكن أي شخص انو يشعر فيه بس يلي بيختلف شو درجة الوحدة يلي عميشعر فيها الشخص

أنا برأيي انو الوحدة أحيانا بكون شعور حلو حتى الانسان يصطفي مع ذاته بس مو بكل الأوقات

على كل حال وانت بيناتنا أكيد ما بتحس بالوحدة أو أنا غلطانة

بعرف قلبتها محاضرة بس حبيت جاوبك عن سؤالك

وانشالله كون فدتك

واذا كان تقديري غلط فهذا مجرد رأي

مع خالص احترامي وتقديري

مرحبا اخي الغريب

بشوفك بلشت تشكيلنا ....
شو مو إنتا يلي كنت بتشكي من يومين من الراحه وقلة المشاكل
اي شوف ربنا كيف ابتلاك
منشان مره تانيه تقول الحمدلله
مو تفتش عن مشاكل

اي الله يعينك ع الجاي
هاهاها

اي اخي الغريب
انا رأيي من رأي الفراشه بجماليون

بالإضافه لسبب انا بعتبره هوى الأهم
وبلكي يكون اساس هالمشكله
او بالأصح
هوى اساس هالمشكله
السبب هوى

‏}{ البعــــــد عــن اللـــه سبحانه وتعالى}{
لقوله عز وجل
‏*‏ فمن يرد الله أن يهديه يشرح صدره للإسلام ومن يرد أن يضله يجعل صدره ضيقآ حرجآ كأنما يصعد في السماء كذلك يجعل الله الرجس على الذين لايؤمنون * الايه
الأنعام 125

فأكيد البعد عن ربنا سبحانه وتعالى هوى السبب بكل هالمعاناه يلي بنعانيها بحياتنا

بتمنى إنو نرجع متل ماخلقنا على التوحيد
نرجع مابنعرف غير الله
ومابنشتاق إلا لقربه مننا سبحانه

ربنا كريم

تقبل مروري
وبتمنى كون خفيفه وما دايأتكون بردي

تحياتي =^_^=

اول شي بقول شكراً كتير لبجماليون ولسانشي ممنوكو على الرد الي برفع المعنويات
كل انسان بمر بلحظة ضعف بحس انو لازم الاقي الجواب مع انو الجواب عندو وانا حبيت اشاركو شوي وانتو ما اقصرتو مشكورين مرة تانية

عفكرة مواضيعي تجلب الحزن شوي
بس بوعدكو بمواضيع تدخل لقلبكو السرور انشاء الله
وانا هلأ مبسوط

تقبلوا مروري