شعر صيني 3

هااااااااااااااااااااي لكل الأعضاء
أنا بعتذر عن تأخري بعرض باقي القصائد الصينية
وبخص بالاعتذار لسانشي لأنو هي يلي كانت أكتر شي متحمسة لباقي القصائد

وهذه القصيدة يبدو فيها الحس الصيني الأصيل فهناك جسر محدب فوق بركة ماء يمتد ليصل الى مقصورة فيها شباب يلهون ويشربون وحين يطلون على البركة يرون أنفسهم على صفحاتها كأنها مرآة

عنوان القصيدة أغنية للشباب
كلمات الشاعر الصيني (li-tai-po)

في وسط البركة الصغيرة

تطل مقصورة مكسوة بالبورسلين الأخضر والأبيض

تمتد اليها قنطرة محدبة كظهر النمر

مصنوعة من الجاد

في المقصورة الصغيرة يجلس الأصدقاء

في ملابسهم الجميلة يشربون الخمر ويتحاورون

بعضهم يكتب قصائد الشعر أكمامهم الحريرية تنزلق الى خلف

وقبعاتهم الحريرية معلقة خلف رقابهم

على سطح البركة الناعمة الهادئة

تنعكس صورهم انعكاسا رائعا

يبدون على صفحة الماء المرآة كأنهم يقفون على رؤوسهم

في مبنى مزين بالبورسلين الأخضر والأبيض

والقنطرة المحدبة تظهر على صفحة الماء مقلوبة

كأنها نصف قمر

أصدقاء يلبسون ملابس جميلة

يشربون الخمر ويتحاورون

أتمنى أن تكونوا قد استمتعتم بقراءة هذا الشعر الصيني

مع خالص تحياتي ومحبتي للجميييييييييييييييييييييع

ياهلا ومرحبا بأحلى فراشه بين الفراشات
لاتعتذري حبيبتي وجودك دائمآ معانا بمواضيعك الرائعه يلي بتشدنا ما حسسنا بتأخيرك في طرح باقي القصائد
الله يعطيك العافيه

وجد القصيده رااااااااااااائعه
والله عشت احداثها وحسيت إني وحده من بين هالأصدقاء
ورسمتلها ببالي لوحه من اجمل اللوحات الفنيه

تسلميلي حبيبتي
بإنتظار باقي القصائد

ولك مني كل المحبه والإحترام

يا هلا بأحلى سانشيتا والله

شفتي هالصينيين طلع عندن خيال واسع بوصف كيفية جلوس الأصدقاء والمكان

يعني عنجد منصير منرسم بخيالنا كتير شغلات

حتى مابتعرفي يمكن اذا رسام قرأ هالقصيدة يخطر بباله انو يرسم هالمشهد الرائع يلي صورلنيا الشاعر

عنجد لو أنا بعرف ارسم كنت رسمت رسمة بتطير العقل من خلال هالوصف

عنجد كنت مفكرة الصينيين انو هيك بس للاختراعات

ماتصورت انو ممكن شي بهالروعة من الخيال العاطفي لشلعر صيني

عزيزيتي الأميرة بشكرك على مرورك اللطيف الذي عطر صفحتي

مع خالص تحياتي ومحبتي

تسلميلي كتير حبيبي

واي متل ما حكيتي الصينيين بيحملوا شغلات كتير حلوه
وحس رائع
أنا عندي وحده من صديقاتي صينيه بتجنين وبتاخد العقل
إمكن منشان هيك لفت إنتباهي موضوعك بالشعر الصيني وصرت بهتم فيو

لكن
عن جد في كتير شغلات حلوه فيون
ناس راقيين صادقين ومخلصين واوفياء وبيحبوا بصدق
وناعمييييين كتير
تمام متل مانشوفون بالتي في

فراشتنا الغاليه
بستنى منك كل جديد

وتقبلي محبتي وإخلاصي

بشكرك من كل قلبي حبيبتي سانشيتا

على مرورك للمرة التانية

مرورك دائما يغني صفحاتي

وبشكرك عالمعلومات حول أهل الصين بماانو بتعرفي وحدة صينية

وابقي عرفيها عالمنتدى بركي هي كمان بتزودنا بشي عن الثقافة الصينية

وأكيد هي رح تفرح لما تشوف شعر صيني عميتدوال بمنتدى عربي

هلأ مابعرف اذا هي لغتها العربية منيحة بس اذا منيحة بتمنى انك تعرفيها عالمنتدى

مع خالص تحياتي ومحبتي