هدفك في الحياه ما هو...

بصراحة أنا هدفي بالحياة اني ااشتري كم سحارة

وبيع شوية خضرة لنعيش وشو كمان

أي صحيح بركي تطورت بعدين وفتحت محل متر بمتر

وبعدين سوبر ماركت

شو {ايك بهالطموح بلة مو خيلة

أكيد مو هاد طموحي بس حبيت شوي ضيف مرح

أنا بصراحة هدفي بالحياة اني كون انسانة ناجحة بكل شي بحياتي

يعني دراسيا ، عمليا ، اجتماعيا أهم شي عندي اجتماعيا

لأنو الانسان يلي مو ناجح اجتماعيا مارح ينجح بأي شي لو قد ماحاول

وبالنسبة لسؤالك اذا حققت أي من هالغايات

بالنسبة لدراسيا الحمدالله بعدني بطريق الدراسة ونوعا حققت شي اني فتت عالجامعة يلي هلأ صارت حلم للأسف

وبودي اني كمل دراستي عنجد أمنيتي اني صير دكتورة فلسفة بس آآآآآآآآآآآآآآآآآآآآخ

وبالنسبة لطموحي اني أنجح عمليا فالحمدالله أنا خضضت تجربة العمل عدة مرات

وبكل مرة كنت لاقي استحسان من المسؤولين عني اني قد المسؤولية

فبما انو البداية جيدة انشالله مستقبلي العملي كمان رح يكون جيد

وأما بالنسبة لنجاحي الاجتماعي فأنا الحمدالله رضيانة عن علاقتي بالعالم

وهنن كمان نفس الشي

وبالنسبة لسؤالك عن الحياة وايمتى ممكن تكون جديرة انو نحياها

فأنا بشوف انو الحياة فيها الحلو وفيها المر والعلقم

يعني مابصير الها طعمة اذا بس حلوة أو بس مرة

أنا برأيي انو لو شوما كانت الحياة الانسان لازم يعيشها

وأهم شي يتسلح بالصبر لأنو بعد بذور هالصبر يلي سقاها من دموع عيونه ودم قلبه

رح تثمر شي حلو كتير

أما بالنسبة لمبدأي بالحياة بصراحة في كتير مبادئ عندي مو بس واحد

أهمها الحب الخالص ، اني أوفي بوعودي ، اني كون صادقة لو حتى هالصدق رح يزعل غيري
المسامحة بس بصراحة مو على طول بسامح حسب الشخص والغلطة
يعني فيني قلك هدول غيض من فيض

وانتي ماقلتيلنا رأيك حول موضوعك

يلة صار دورك

مع خالص تحياتي

انسانية