يعني للجلطة وحدة بوحدة !!

هاااااااااااااااااااي بالجميييييييييييع أعضاء وزوار

بالحقيقة حابة اطرح موضوع أنا برأيي انو للجلطة وحدة بوحدة

وهو موضوع الكميرة الخفية طبعا في مزحات بيعملوها مفكري الكميرة الخفية كتير حلوة ومهضومة وبتفوت للقلب من أول ماتشوفها

بس بالمقابل في ناس مفكرين حالن عباقرة بهالأفكار يلي بيطلعوا فيها ليعملوا منها كميرة خفية وهي بالحقيقة كميرة مرعبة
مفكرين حالن خفيفين ظل بس هنن تقال دم

مثال على كلامي اليوم شفتلكم باحدى قنواتنا العربية والعياذ بالله كميرة مرعبة

قصة هالكميرة الخفية انو في كروب عاملين حالن انو عمبمثلو مسلسل وعميتختارو الممثلات من الطريق المهم

المشهد يلي لازم تأديه يلي اختاروها كممثلة هو انو تحمل المسدس وتقوص على زوجها يلي خانها

طبعا انتوا عرفتوا هون انو الزلمة يلي طختوا رح يعمل حالو ميت وبيجو بقلولها لك انتي شو عملتي كيف هيك قتلتي اتصلو بالشرطة

وياحرام هالبنت بتصير تصرخ من كل قلبها وتبكي بحرقة انو هي قتلت واحد وعملت جريمة من حيث لاتدري؟!

يعني بحياة الله هلأ هي فكرة كميرة خفية أو كميرة مرعبة يعني ممكن أي وحدة من هالبنات يلي عملو معهن المقلب يصير معها أزمة قلبية مفاجئة أو جلطة وكله بس حتى يكسبو شوية مصاري من ورا هالفكرة الفذة يعني بصراحة بصراحة أنا لو صايرة معي هيك مقلب كنت متت بأرضي مو بس صرخت ووقعت عالأرض منهارة وابكي مثل ماكان ردة فعل هالبنات

مابقدر قول غير لاحول ولاقوة الا بالله وربي يكبر عقول مثل هيك ناس عندن هيك أفكار فذة وانشالله مننحرم من أفكاركم الفذة ياااااااارب