رأيي بمسرحية نيكاتيف اخراج وتأليف نضال سيجري

هلأ الساعة 10 المسا وعرض المسرحية كان من أربع ساعات يعني من ال6

بصراحة مابعرف شو بدي قول أنا كنت موجودة الساعة خمسة ونص قلت لحالي اذا اجيت قبل نص ساعة بلحق لاقي مكان حتى اقعد

بس يلي شفتو مو معقووووووووووول كميات غفيييييرة من الشباب والبنات يلي جايين يحضرو مسرحية نضال سيجري
يعني قد ماوصفت هالحضور مابقدر احكي وللحقيقة الفنان نضال بيستاهل مثل هيك حضور وأكتر وأنا لولا المصور التلفزيويوني مابعرف لأي محطة كان بجنبي وحس قديش متلبكة وماعرفانة فوت هو قالي تعي فوتي معي ومرئني وفوتني لجوا ماكنت قدرت فوت مع اني مابعرف مين هو وماقدرت قلو شكرا لأنو فجأة اختفى مع هالحشود هههه

ولولا شخص تاني ساعدني حتى لاقي مكان اقعد واتفرج ماكنت قدرت أبدا اني لاقي محل حتى اتفرج عالمسرحية لأنو وقت قتنا عالمسرح كان في كتير ناس بقلب القاعة وحاجزين لرفقاتن لدرجة انو في صبايا وشباب كتار تفرجوا عالمسرحية وهنن واقفين أو قاعدين على الدرج تبع المسرح

المسرحية بتحكي عن أعماق النفس الانسانية وعن الأنانية الموجودة عند أغلب البشر أو بالأحرى مثل مابقولوا النرجسية وحاكت الواقع بشكل رائع
حكت عن المشاكل يلي بعانيها المجتمع بشكل عام مابعرف اذا في حدى عندو وجهة نظر تانية بس هذا هو باختصار نظرتي عن المسرحية

ووقت طلعت وقفت بجنب غرفة الممثلين كان المبدع نضال سيجري على بعد عدة خطوات فقط وشفت هالمعجبات وشفت هالمعجبة يلي أغمي عليها قد مابتحبو وباقات الورد يلي هدوياها بس أنا مع اني كنت قريبة بضع خطوات مافتت سلمت مابعرف ليش لهلأ بسأل حالي ليش مافتت بس مالقيت جواب اكتفيت اني كون متفرجة لمدة دقائق على المعجبات والمعجبين يلي عميتهافتوا على الفنان نضال سيجري

بس لاحدى يسألني ليش مافتت وسلمت عليه مثل الباقي لأني أنا ذات نفسي مابعرف ليش