اذا صار معكم هيك موقف شو بتعملو؟؟!!

مرحباااااااا بالجميييييييع وكل عام وانتوا بألف ألف خير بمناسبة عيد الأضحى المبارك

انشالله يارب بينعاد عليكم بالصحة والسلامة

الموقف يلي بدي احكيه هلأ اليوم صار فيني مابعرف اذا حدى منكم صار معو هيك موقف

اذا صار احكولنا شو عملتو واذا ماصار تخيلو انو صار معكم واحكولنا شو بتعملو

الموقف يلي صار معي هو كالتالي

اليوم كنت ماشية بالطريق بأمان الله وسرحانة عمفكر كالعادة فجاة بسمع وحدة بتقلي كيفك ياحلو بتطلع بقول هالبنت بعرفها وشايفتها قبل هالمرة وحاكية معها بس وين

وانا عمبسأل حالي هالسؤال اجت وسلمت عليي وبوستني وتقلي كيفك وكيف جامعتك

تذكرتيني بس سألتني تذكرتيني أنا احترت شو بدي قول خجلت وقلتلها اي طبعا تذكرتك

صارت تسأني كيف جامعتك وكيف أوضاعك وانا اتطلع فيها حاول اعصر ذاكرتي واتذكر اسمها أو اتذكر وين شايفتها بس عبث ماكنت اتذكر المهم ضليت معها شي 5 دقايق عمبحكي معها واتطمن عنها واسألها كيف أخبارها وانتهي لقائنا وأنا مو متذكرة مين هي بس ماحبيت خجلها

هل مابعرف اذا تصرفي كان صحيح أو خاطئ وضليت بالبيت فكر واعصر مخي

بس بتصدقوا ماتذكرت مين هي غير وانا عمبكتب الموضوع هههه

المهم اذا صار معكم مثل هيك موقف واجو سلمو عليكم ناس بس انتوا ماتذكرتوون ياترى شو بتعملو بتسألوون مين هنن وانو انتو ماتذكرتوون أو بتحكي مع هالشخص وبتعمل حالك انك عرفتو وبترحب فيه وبتضلك تحاول تتذكر مين هذا

أنا قلتلكم شو عملت ياترى انتوا شو رح تعملو اذا صار معكم هيك موقف؟!

والله يابجماليون ذكرتيني بموقف صار معي نفسو ووقتا كانت نهفة
كنت مثلك هيك ماشية بالطريق وفكري لبعيد واذ سلمت عليي انسانة حسيت حالي فعلا بعرفها بس للأسف بلحظتا ماتذكرتا وصارت تسألني كيفك ياضرسانة وين ماعاد بينتي ومن هالحكي وانا قلا والله مشاغل الحياة وانت كيفك وليش ماعمتبني على اساس اني عرفتها بس النهفة انو بعد شي 5 دقايق حكي قالت شغلة تذكرت من هي قمت قلتلا آه تذكرتك مو انتي سميرة يلي كنتي معي من سنة بمعهد الكمبيوتر فهي اتطلعت فيني واستغربت مني صارلي دقايق عمبحكي معا وسأل عنها واني تذكرتا وكنت مو متذكرتا وقتا شو خجلت من حالي بس ضحكت أنا وهي عالشي يلي صار

بس هالشي طبيعي بسبب ضغوطات الحياة ممكن الانسان حتى ينسى حالو مو الناس

شكرا لمرورك يا انجل بشكرك لمشاركتك يلي أغنت موضوعي

بس هالشي طبيعي بسبب ضغوطات الحياة ممكن الانسان حتى ينسى حالو مو الناس

وانا كمان بضم صوتي لصوتك الله يستر ما انجن بالحلقة الأخيرة من هالضغوطات

شكرا لمرورك الذي أنار صفحتي

مع خالص احترامي وتقديري