الفنون المسرحية و الموسيقى kHaLeD aHmad aLsAyEd
نتمنى لكم المتعة والفائدة
بحـث
 
 

نتائج البحث
 


Rechercher بحث متقدم

المواضيع الأخيرة
» لمحبي فن المسرح الجميل صدر اخيرا مسرحية " انا ارهابي "
السبت نوفمبر 30, 2013 5:57 am من طرف ايمن حسانين

» لقاء تليفزيونى للكاتب المسرحى / ايمن حسانين
الإثنين نوفمبر 04, 2013 3:20 am من طرف ايمن حسانين

» أحلى عيد لأغلى مموشة
الأحد ديسمبر 09, 2012 8:30 am من طرف FOX

» احترت في هذا العيد هل أعلن فرحي للمعايدة أم أعلن الحداد ؟!
الإثنين نوفمبر 07, 2011 10:15 am من طرف NoUr kasem

» محمود درويش . . تكبر تكبر
الخميس أكتوبر 27, 2011 8:56 am من طرف NoUr kasem

» المخلـــــــــــــــــــــص
الأحد أكتوبر 23, 2011 7:11 am من طرف NoUr kasem

» عيوني هي التي قالت : وما دخلي أنا
الجمعة أكتوبر 21, 2011 1:37 pm من طرف sanshi

» سيمفونية سقوط المطر
الجمعة أكتوبر 21, 2011 8:42 am من طرف NoUr kasem

» مسلسل "أوراق مدير مدرسة" يعرض مشاكل الطلاب والأساتذة وصعوبات التدريس الحديث
الجمعة أكتوبر 21, 2011 7:46 am من طرف NoUr kasem

التبادل الاعلاني
احداث منتدى مجاني

اكتساب مرض النق

اذهب الى الأسفل

اكتساب مرض النق

مُساهمة  KhaLed AhMad aLsaYed في الثلاثاء أكتوبر 26, 2010 3:11 am

بالفرح بالزعل....منق
وقت بنكره ولما منحب ....منق
لما منكون فاضيين أو حتى مشغولين....منق
صبح ومسا وكل شي عنا بينتسى إلا النق
بالجد وبالمزح.....منق



::: جذور النق :::



الشاب السوري ( شباب وصبايا ) منين بيجيبوا هالنق ؟!؟!؟
باختصار بجيب النق من بيت أبوه حبيبي.....لا عن جد عم أحكي ما عم أمزح
فنحن جيل اعتاد على التربية النقاقة...
قوم فيق صارت الساعة ستة
تعال اتغدى
جاي جاي
يلا قوم اتغدى
جاي بس دقيقتين
يلا تعال اتغدى....قوم اتغدى هلأ بيبرد الأكل
قوم اتغدى يلا....
وفي السهرة :
تعال تعشا ما تغديت منيح لأنك...
تعال تعشى...ما بدك تتعشى...يلا قوم ع العشا....



::: حكاية نق :::



في سنة البكالوريا: إيمتى بدي خلص وفوت ع الجامعة بقا (( وبيضل بينق وينق وبينسى يدرس.....))



في السنة الأولى للجامعة:أووف شو عم حن لأيام المدرسة...إيمتى بدي أتخرج يالله هف لسه كم سنة هفف



بعد التخرج : ييي شو مشتاق لرفقاتي بالجامعة وكيف كنا....هفف يا ريتنا ما تخرجنا ضاق خلقي من النوم للضهر والطلعات والفرجة ع التلفزيون بدي اشتغل واستقر



بعد الشغل : تضرب هالحياة من البيت للشغل وبعدين بتحكيلك كم تلفون وبتحط راسك وبتنام لتفيق ع الشغل...شو هالعيشة هفف والله شي بملل...حياة بتقصر العمر



خطب بنت بحبها:هفف إيمتى بدنا نتزوج ونكون مع بعض لوحدنا...



أتجوزوا:هفف من هالروتين والله شي بملل شو رأيك نجيب ولد



صار الشب أبو العيال: لك شو هالبلوة بدي ضل عم زق غراض متل الحمار...هفف ع هالعيشة يرحم أيام كنا راسين....وقت كنا مو فاضيين غير للحب



::: أعزائي الأعضاء كنتم مع مسلسل هفف من بطولة نقاق سوري :::



::: جاي على بالي نق :::



صار النق في حياتنا حالة طبيعية اعتيادية وعفوية....فمن دون أن نقصد ننق
فإذا التقت فتاة بشاب وأحببته ( وصار في علاقة ) وبدأ روميو زمانه يعمل رجال عليها ويبلش يسألها وين رايحة منين جاية وينق إذا لبست هيك أو إذا ضحكت هيك أو إذا قالت هيك....هنا تبدأ الفتاة بدورها الهام وتقوم بالنق على رأسه ( أنا هيك..أنت عم تشك فيني..شو مافي ثقة..أنت عم تحكم على علاقتنا بالنهاية إذا بدك تضل غيور..وعلى إيهي إيهي ) ومن كتر نق جوليت على رأس روميو...يقرر روميو يطنش ويعطيها حريتها
وما هي إلا أيام حتى تعود جولييت إلى نقها ولكن بطريقة مختلفة
ليش ما عم تسأل علي...تأخرت اليوم ليش ما دقيتلي تطمن عليي...ما شفته كيف كان عم يطلع فيني....أجاني ميس كول من رقم غريب وما حاولت تعرف مين صاحب الرقم..شو شايفة ما عاد فرقت معك إذا لبست هالتنورة...)) قلي فهمني شو بدك !!؟!!!



::: نقاق شرقي :::



شاب شرقي نقاق : أنا بدي امرأة مثقفة ارتبط فيها تفهم عليي شو بحكي وتناقشني فيه ويكون عندها وجهة نظرها يلي تدافع عنها
((
بعد الزواج من المثقفة والذي لم يستمر أكثر من 3 أشهر ))



الشاب شرقي النقاق : طلعتلي روحي بضل حاطة راسها بالكتاب...لا بهمها طبخ ولا نفخ...بعدين بضل عم تجادلني...وعلى وجهة نظري ووجهة نظرك هديك المرة لسختها كف طيرتلها وجهها كله مو بس وجهة نظرها...هفف أن بدي وحدة حنونة تسايرني
((
بعد زواجه من الحنونة الذي لم ولن يستمر أكثر من شهرين ))



الشاب شرقي النقاق : قرفتني حياتي دايماً بالمطبخ وشو ما قلتلها بتقول حاضر.
كيف بدها تربي ولادي على هالشخصية الانهزامية لا بتهش ولا بتنش وحتى لما طلقتها بكيت شوي وما حكيت معي ولا كلمة يا زلمة.....
لك أنا بدي وحدة حلوة ست بتفهم بالاتيكيت....
(( بعد زواجه من ست الصالون الذي لم ولن يستمر أكثر من شهر ))
الشاب شرقي النقاق : هفف يا زلمة هلكتني بمصاريف اللبس والمكياج تبعها هالمفزلكة يخرب بيتها شو فاضية ما في ولا مرة قرأت شي كتاب وشو ما بتحاكيها بتقلك ما بعرف وشو يعني....(( لك أنا ما بقدر غير عيش مع وحدة مثقفة يا زلمة ))
ويستمر الشاب شرقي النقاق بالنق إلى أن يأخذ الله أمانته
أجمل ما في الأرواح أنها لا تملك لسان لتنق....أي والله



::: شعب بنق ليوم النق :::



والشعب السوري بشكل عام نقااااااااااااااااق .....
ها ها سألتني ليش لأنو يا أخي نحنا على طول بنقول شوف أوربا ما أحلا شوارعها
شوف العالم شلون.....شوف شوف السير عندهم شوف النظافة....
شوف........أي شفت (( شبك حبكت معك شوف شوف ))
ما نحن هون بالبلد لم فرض وضع حزام الأمان للسائقين
قمنا الدنيا وما قعدناها وصرنا نق ونسق
والله بدفع الغرامة وما بحط الحزام...شو بدهون يتحكموا فينا
وقال شو بدهون يقلدوا بلاد برا قال...!!؟!؟!؟!؟!!



آآآآآآآآآآآآآآآآيـــــــه سكتنا ما عاد نق...
هلأ دوركون لتنقواااااااااااااااااااااااا
avatar
KhaLed AhMad aLsaYed
المدير العام
المدير العام

عدد المساهمات : 246
تاريخ التسجيل : 08/09/2009

http://theater2010.ahlamontada.net

الرجوع الى أعلى الصفحة اذهب الى الأسفل

رد: اكتساب مرض النق

مُساهمة  NoUr kasem في الثلاثاء أكتوبر 26, 2010 7:12 am

احم احم احم

ياجماعة جهزوا حالكم صار دوري بالنق oooops

اي شو هالدكاترة بالفعل ماعاد استحوا لسه اعملولي حلقة بحث عن مدري مين بخمس مراجع اي شو هالدكاترة لسه نحنا مابدنا بصم بدنا تكتبوا فهم مزعج

وبس يصير هالطالب دكتور شوفو شو بيحكي
لعمششش شو هالطلاب لك مابدن يشتغلوا شي لسه بقلن بدي حلقة بحث بخمس مراجع بقيمو الدنيا ومابقعدوها شو هالطلاب الفاشلين ؟؟!! بدن كل شي عالبارد المستريح بس بدن يبصموا ويمشوا ومايفهموا شي رزق الله وقت كنت طالب كنت غير هيك Exclamation Question


نق البنت وامها

البنت : لك رح تجنني امي لسه بتضلها تقلي وين رايحة وليش طولتي وليش مارتبتي غرفتك وليش هيك مكترة مكياج وامتى رح ترجعي ومين رح تشوفي وشو مشاريعك ليش هيك مسرحة شعرك . لك والله والله بكرة بس صير ام رح كون غير هيك رح كون رفيقة بنتي

تعوا نشوف هالبنت بس تصير ام كيف رح تعاملها بنتها
لك ياحيوانة لوين رايحة بعدين كيف هيك بتلبسي وبتجهزي حالك لتروحي هالمشوار من دون ماتاخدي اذني لك يا.........( هالنقط هي مسبات ههه) شو هاللبس الضيق كأنك مو لابسة شي بعدين ليش هيك لاطعة وجهك بالمكياج شو هالمنظر يلا عالسريع روحي اغسلي وجهك
وغيري هالأواعي serprise

ام شو هالام رفيقة لبنتها هههه شي فاخر عالآخر lafting

هي أنا خلصت نقي ويلي حابب يفوت وسمعنا شوية نق مافي مانع نحنا صدرنا رحب وخاصة للنقاقين lafting

_________________
تائهة بين مغاور و سراديب نفسي أحاول عبثا معرفة من أنا !
فكل مغارة في نفسي فيها عشرات المتاهات وكل متاهة فيها سر وقفل يحتاج لمفتاح !أحاول جاهدة تفكيك ألغازي
أنظر الى الكون من حولي فأجد أكوانا و أكوان وكل كون لا بد من تفكيك مافيه من ألغاز !
فهل سيأتي هذا اليوم الذي ستنفك فيها كل هذه الألغاز أم أن السر يكمن في البحث عن هذه الألغاز!
فلولا بحث الانسان عن سر وجوده وسر كونه لما شعر بقيمة وجوده وجدواه !
avatar
NoUr kasem
مساعد المدير
مساعد المدير

عدد المساهمات : 1954
تاريخ التسجيل : 08/09/2009
العمر : 31
الموقع : دمشق . . فلسطينية الأصل

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى